6TH TAMIL NOTES OF LESSON- SEPTEBER 1ST WEEK
6. ஆம் வகுப்பு தமிழ்-மாதிரி பாடக்குறிப்பு
நாள் : 05-09-2022 முதல் 09-09-2022
மாதம் : செப்டம்பர்
வாரம் : முதல் வாரம்
வகுப்பு : ஆறாம் வகுப்பு
பாடம் : தமிழ்
பாடத்தலைப்பு : 1.மொழி முதல்,இறுதி எழுத்துகள்
1.கற்றல் நோக்கங்கள் :
- தமிழில் பிழையின்றி எழுதுதல்
2..கற்பித்தல் துணைக்கருவிகள்:
- வலையொளிப்பதிவுகள்,காணொளிகள்
3.அறிமுகம் (ஆர்வமூட்டல்) :
யாருக்கெல்லாம் தமிழில் பிழையில்லாமல் எழுதும் ஆசை உள்ளது? என்ற வினாவைக்கேட்டு,மாணவர்களை விடைகூறச் செய்து, பாடத்தை அறிமுகம் செய்தல்.
4.படித்தல் :
- இலக்கண விளக்கப் பகுதிகளை ஆசிரியர்,சொற்களின் பொருள் விளங்குமாறும், நயம்படவும் உரிய ஏற்ற இறக்கத்துடன் படித்துக் காட்டுதல்
- ஆசிரியரைப் பின்பற்றி மாணவர்களும்,அவ்வாறே உரைநடைப் பகுதியைப் படித்தல்.
- எழுத்துக்களையே சரிவர இனங்கண்டு படிக்க இயலாத மாணவர்களுக்கு,உயிர் எழுத்து மெய் எழுத்துகளை சொல்லிக் கொடுத்து,வீட்டில் பயிற்சி செய்துவரச் சொல்லுதல்.
- தமிழ் சரளமாக வாசிக்கத் தெரியாத மாணவர்களுக்கு, இரண்டெழுத்துச் சொற்கள், மூன்றெழுத்துச் சொற்கள் என எளிமையான சொற்களை எழுத்துக்கூட்டி வாசிக்கக் கற்றுக் கொடுத்தல்.
5.மனவரைபடம் :
6.தொகுத்தலும்,வழங்குதலும்:
- உயிரெழுத்துகள் 12 ம் சொல்லின் முதலில் வரும்.
- மெய்யெழுத்துகளில் க,ச,த,ந,ப,ம,ங,ஞ,ய,வ ஆகியன் சொல்லின் முதலில் வரும் எழுத்துகள் ஆகும்
- ட,ண,ர,ல,ழ,ள,ற,ன ஆகிய மெய்கள் சொல்லின் முதலில் வராது.
- ஞ,ண,ந,ம,ய,ர,ல,வ,ழ,ள,ன ஆகிய மெய்கள் சொல்லின் இறுதியில் வரும்
7.வலுவூட்டல்:
விரைவுத்துலங்கல் குறியீடு மூலம் கற்றலுக்கு வலுவூட்டல்
8.மதிப்பீடு:
எளிய நிலைச்சிந்தனைத் திறன் (LOT) :
1.மெய்யெழுத்துகள் மொத்தம் எத்தனை?
இடைநிலைச்சிந்தனைத் திறன் (MOT)
1.மொழிக்கு முதலில் வரும் மெய்யெழுத்துகள் யாவை?
உயர்நிலைச் சிந்தனைத் திறன் (HOT) :
1.மொழிக்கு முதலில் வரும் மெய்யெழுத்துகளைச் சான்றுடன் விளக்குக.
9.குறைதீர் கற்றல்:
மீத்திற மாணவர்களைக் கொண்டு மெல்லக் கற்கும் மாணவர்களுக்குப் பாடக் கருத்துகளை க்கூறி குறைதீர் கற்றலை மேற்கொள்ளல்.
10.எழுதுதல்:
பாடநூலில் உள்ள மதிப்பீட்டு வினாக்களுக்கு எழுதி வரச்செய்தல்.
11.தொடர்பணி
மொழிக்கு முதலிலும்,இறுதியிலும் வரும் மெய்யெழுத்துகளுக்குச் சான்றுகளை எழுதி தொகுத்துவரச் செய்தல்
12.கற்றல் விளைவு:
தமிழில் பிழையின்றி எழுதுதல்
0 Comments