6TH TAMIL NOTES OF LESSON AUGUST 1 WEEK

6. ஆம் வகுப்பு தமிழ்- பாடக்குறிப்பு

நாள்        : 01-08-2022 முதல் 05-08-2022
மாதம்       :    ஆகஸ்டு
வாரம்     :   முதல் வாரம்
வகுப்பு :   ஆறாம் வகுப்பு
பாடம்    :     தமிழ்
பாடத்தலைப்பு     :   அறிவியல் ஆத்திசூடி (கவிதைப்பேழை)

1.கற்றல் நோக்கங்கள்   :

எதையும் காரண காரியத்துடன் அறிந்துகொள்ள முயலுதல்

2..கற்பித்தல் துணைக்கருவிகள்:

வலையொளிப்பதிவுகள்,காணொளிகள்

3.அறிமுகம் (ஆர்வமூட்டல்)   :

யாருக்கெல்லாம் அறிவியல் அறிஞர் ஆகவேண்டும் என்ற குறிக்கோள் உள்ளது என்ற வினாவைக்கேட்டு,மாணவர்களை விடைகூறச் செய்து, பாடத்தை அறிமுகம் செய்தல்.

4.படித்தல் :

செய்யுள்பகுதியை ஆசிரியர்,சொற்களின் பொருள் விளங்குமாறும், நயம்படவும் உரிய ஏற்ற இறக்கத்துடன் படித்துக் காட்டுதல்
ஆசிரியரைப் பின்பற்றி மாணவர்களும்,அவ்வாறே உரைநடைப் பகுதியைப் படித்தல்.
எழுத்துக்களையே சரிவர இனங்கண்டு படிக்க இயலாத மாணவர்களுக்கு,உயிர் எழுத்து மெய் எழுத்துகளை சொல்லிக் கொடுத்து,வீட்டில் பயிற்சி செய்துவரச் சொல்லுதல்.
தமிழ் சரளமாக வாசிக்கத் தெரியாத மாணவர்களுக்கு, இரண்டெழுத்துச் சொற்கள், மூன்றெழுத்துச் சொற்கள் என எளிமையான சொற்களை எழுத்துக்கூட்டி வாசிக்கக் கற்றுக் கொடுத்தல்.

5.மனவரைபடம் :

6.தொகுத்தலும்,வழங்குதலும்:

ஆத்திச்சூடியின் முன்னோடி ஔவையார் ஆவார்
ஆத்திச்சூடி என்பது அகரவரிசையில் அறிவுறைகளைச் சொல்லும் இலக்கியம்.
இப்பாடலை இயற்றியவர் நெல்லை சு.முத்து ஆவார்
இவர் விண்வெளி மையங்களில் பணியாற்றிய அனுபவம் வாய்ந்தவர்
எதையும் காரண காரியத்துடன் அறிந்து கொள்ள முயல வேண்டும் என இப்பாடலில் வலியுறுத்துகிறார்

7.வலுவூட்டல்:

     விரைவுத்துலங்கல் குறியீடு மூலம் கற்றலுக்கு வலுவூட்டல்

8.மதிப்பீடு:

எளிய நிலைச்சிந்தனைத் திறன் (LOT) :

        1.ஔடதம் என்பதன் பொருள் என்ன?
        2.உடல் நோய்க்கு------தேவை.

இடைநிலைச்சிந்தனைத் திறன் (MOT)

1.எது வெற்றி தரும்?
2.அறிவியல் எப்போது வெல்லும் ?

உயர்நிலைச் சிந்தனைத் திறன் (HOT) :

1.ஔடதமாம் அனுபவம்-விளக்குக.
2.ஏன் என்று கேள் என்று கவிஞர் கூறக் காரணம் யாது?

9.குறைதீர் கற்றல்:

மீத்திற மாணவர்களைக் கொண்டு மெல்லக் கற்கும் மாணவர்களுக்குப் பாடக் கருத்துகளை க்கூறி குறைதீர் கற்றலை மேற்கொள்ளல்.

10.எழுதுதல்:

பாடநூலில் உள்ள மதிப்பீட்டு வினாக்களுக்கு எழுதி வரச்செய்தல்.

11.தொடர்பணி

அறிவியல் சிந்த்னையைத் தூண்டும் முழக்கத்தொடர்கள் ஐந்தினை உருவாக்குக.

12.கற்றல் விளைவு

எதையும் காரண காரியத்துடன் அறிந்துகொள்ள முயலுதல்

6TH TAMIL NOTES OF LESSON AUGUST 1 WEEK